British Petroleum interesa den refineria di Aruba

ORANJESTAD – E compania British Petroleum, miho conoci como BP, lo ta interesa den e refineria di Aruba. Awe for di representantenan di grupo NGO, esta e grupo PARA, a confirma cu e compania lo ta interesa pa papia cu gobierno di Aruba y Valero pa cu tuma over e refineria di Aruba. Durante e noticiero Awe den Noticia na e emisora 100.9, Rafael Croes a informa cu miembronan di PARA a acepta e challenge cu Minister de Meza a duna nan pa rondia companianan cu por ta interesa y ta esey mes nan a haci.

VIAHE PA NEW YORK

Tin miembronan di PARA cu a viaha pa pa New York y hunto cu Sr. Nelson English a explora e posibilidadnan cu entre otro e compania ingles British Petroleum. BP ta den den e topnan di mundo cu ta opera tanto den gas como petroleo. Segun declaracionnan di Croes den e noticiero, e CEO di e compania Sr. Bob Dudley y Sr. Brian Gilvary CFO di e compania ta interesa pa biaha pa Aruba y reuni cu gobierno di Aruba mas pronto cu ta posibel. Mirando cu BP no ta cualkier compania di petroleo y gas, e informacion aki si e bira viable, por tin su debido impacto proximamente.