Openbare Avondleergangen Aruba beroepsonderwijs cu otro aña escolar

ORANJESTAD – Un biaha mas Openbare Avondleergangen Aruba (OAA) Beroepsonderwijs hunto cu ATIA ta uni forza pa lansa otro aña di e asina yama leerwerk trayecto, cu ta un combinacion di traha y bay school. Segun e adjunct directeur Reggie Havertong, di e 4 opleiding cu ta brinda 48 hoben, nan a scohe 3 opleiding, di cual mester di lugar pa pasantia. Aki ta unda cu ATIA ta bin den e programa, unda cu ta uni companianan durante un anochi di informacion, e posibilidad pa por aloca e hobennan den e respectivo negoshinan.

PROCESO

E forma con e proceso ta hinca den otro ta cu e hobennan ta traha 3 biaha pa siman y ta bay scol 2 biaha pa siman. Ta invita tur negoshi pa bin un anochi di informacion riba e opleiding y asina informa e tipo di pasantia cu tin. Aworaki tin un total di 8 compania di 40 cu ya caba a logra aloca hendenan pa e proyecto.

DIFICIL PA HAYA PASANTIA

Aña pasa pa logra haya pa un opleiding particular, basta problema pa aloca pasantia, segun sr Havertong. "Tabata basta dificil. E otronan si tabata ok pa haya lugar." Segun sr Havertong, placa ta un problema y ta pone cu financieramente e ora no por aloca e fondo pa paga e stagiairnan pa nan trabou. “Nan no por carga e peso”. Otro problema cu nan tin ta cu no tin e begeleider pa guia e hoben.