ATIA: Ta spera cu lo no cuminsa klem hende sin mas otro siman

ORANJESTAD – E gremio comercial Aruba Trade and Industry Association (ATIA) a reitera su precupacion pa cu e proyecto di paga pa parkeer. Presidente di ATIA, Michel Henriquez a mustra cu mientras cu nan ta pro pa bin cu algo asina, nan no ta haya cu e mester bin di un manera sin control. Segun Henriquez, e cliente mester di mas opcion. Entre nan, a mustra riba e empleadonan di comercio cu no ta haya suficiente lugar di parkeer. E intencion segun Henriquez ta cu lo mester a bin suficiente parkeergarages hunto cu e parkeermeters.

PARKEERGARAGE

Entre tanto, segun Henriquez, Arubus a designa algun area di parkeer (estilo parkeergarage), pues ta spera cu ora cu e proyecto inicia dialuna awor, cu e cantidad di e espacionan aki ta suficiente. “Nos ta spera tambe cu den e periodo inicial, lo ta soepel riba esaki”. E ta pensa asina pasobra mester custumbra cu e asunto aki. “No ta spera cu ta bay klem hende hals over de kop sin necesidad y cu lo tin un periodo pa ta mas soepel’. Esey ta e precupacion mas grandi di parti di ATIA.