Candela a destrui 12 negoshi den Zona Liber na Corsou

WILLEMSTAD - Awe nochi den careda di 7'or y mei, un candela grandi  a kima e loods den Zona Liber di Corsou, conoci como zona 2, y a kima e pacusnan Picasso y Rama completamente. E candela tabata uno dificil pa domina. Vocero di polis mes Zwerver a confirma cu e melding mes a drenta 7:20. E informacion inicial tabata di un pakus na candela na Zona Liber. Rapidamente a manda polis y unidad di bombero di Rio Canario y tambe Steenwijk na e sitio. Pero e candela a expande hopi rapido, den e loods completo. Varios pakus/almacen manera Picasso, Rama y Dovester a kima a causa di e candela aki. Te aworaki ainda bomberonan ta pagando e candela. Informacion tambe cu NoticiaCla.com a ricibi, ta indica cu por lo menos 12 negoshi a kima y bay perdi, lagando por lo menos 100 persona sin un trabou awor. Mientrastanto polis a habri caminda Don Martina si bek pa trafico. E causa di e accidente ta den investigacion. NOTA. Fotos cortesia Mariano L. Heyden.