Awe gobierno tin cu entrega presupuesto 2016/17 na parlamento

ORANJESTAD – Segun ley, presupuesto di pais Aruba mester wordo entrega riba 1 di september di e aña anterior. Pero tin indicacion cu esaki atrobe lo no ta e caso. Ora cu a acerca minister di finanzas Angel Bermudez, e la informa NoticiaCla.com cu e ta ‘wardando riba director di finanzas'. No ta conoci si esey kier men cu ainda e por wordo entrega of si e no ta logra awe. Di parti di parlamento, NoticiaCla.com tin den su poder un carta di presidente di parlamento Marisol Lopez Tromp, cu ta recorda e mandatario di e regla di entrega presupuesto. Pero te cu awe mainta esey no a tuma lugar ainda.