SPA: Miembronan sindicato di polis no a welga siman pasa

ORANJESTAD – Den un declaracion basta extenso, e directiva di e sindicato di polis na nomber di nan vice presidente Juan Gomes a desmenti cu nan a participa den un accion siman pasa. “Na prome lugar e bestuur interino di S.P.A. y su miembronan, ningun momento a welga y tampoco ningun momento nan a worde movi of instrui pa drenta den un welga riba 27 di augustus 2015” Gomes a cuminsa na bisa. Fuera di esey, e la menciona un lista di cosnan cu mester a wordo coregi.

TUR DECISION APROBA

Entre nan, tin cu tur decision y mocion riba acto di S.P.A. a wordo aproba den un reunion general di miembronan (ALV). Segun Gomes, miembronan den un ALV a duna e mandato pa firma e carta y pa hala un reunion pa su mayan mainta en espera di e contesta di Presidente di Parlamento. Tambe nan kier a clarifica cu na ningun momento a mal informa miembronan. A presenta e documentonan na miembronan den ALV. E 8% di solidariteitsheffing a wordo poni tussenhaakjes y ta pa illustrashon. Ningun momento a menciona vakantie-uitkering.

DISCRIMINACION

Tambe Gomes kier a clarifica cu directiva interino di S.P.A. absolutamente no ta afilia cu ningun partido politico mane ta wordo insinua. S.P.A. ta representa un organisacion policial cu no ta discrimina y lo no tin lugar pa discriminacion. Nos ta habri pa sinta cu tur organisacion sin importa rasa, color politico y religion. Ta miembronan di S.P.A. ta dicidi ken, nos como directiva di S.P.A., ta sinta cun'e. Ariba mandato di nos miembronan S.P.A. ta traha.

PROTESTA Y KIBRA PORTA

Gomes a sigura tambe cu ningun momento S.P.A. a yama un reunion na momento cu e personanan cu tabata protesta kier a drenta of kibra e porta di Parlamento pa drenta paden. “ Na momento cu coleganan a pidi refuerso, tur colega cu tabata den reunion, hasta esnan na civil, a sali bai yuda nan coleganan incluyendo miembronan di Directiva Interino di S.P.A.” Lesa e articulo completo aki. NOTA: Foto di archivo di e manifestacion siman pasa diahuebs.