Back To School cu Raspa Y Gana a conoce ganadonan

ORANJESTAD - Despues di algun simannan largo di e campaña “Back To School” cu Raspa Y Gana, a saca e tres feliz ganadonan. E sorteo a tuma luga ayera 31 di augustus "live" durante e sorteo di Merdia via Telearuba.

REGLANAN 

Pa por a participa, cumpradonan di e weganan di Raspa y Gana mester a deposita dos ticket no ganado di mesun wega participante, cu nomber, fam, adres y telefon patras di e ticket, den un di e tombolanan na cualkier rebendedo. Esaki en connection cu e dos weganan participante Cars and Cash y Ten Times the Money.

GANADORNAN

Como ganado di e premio mayo, un iPhone 6, a resulta: Vaseiska Evertsz, di Nijhoffstraat 3. E di dos ganado a keda den nomber di Richenelly Kelly di Papilon 17-C. Richenelly a gana un laptop Dell Touchscreen HD. Ganado di e di tres premio, un iPad Mini 16 GB, ta Mireya Hernandis di Savaneta 205-J. Lotto ta invita e tres ganadonan pa pasa oficina na Oranjestad pa buska e premio y pa corda trece un ID valido. Ta yama danki na tur e participantenan cu a hasi e campanja sigur uno exitoso y un pabien grandi ta bay na e 3 feliz ganadonan. Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.