A gara 4 venezolano cu a drenta Aruba via boto

SERO COLORADO – Un biaha mas un grupo di illegal venezolano a purba drenta Aruba via laman, den forma clandestino den fin di siman. Pa nan malasuerte, nan a wordo gara pa Warda Costa en cooperacion cu polis di Aruba. Ta trata di 4 illegal cu a yega cu un boto na Rodgers Beach na Seroe Colorado. Un di e personanan mes a bati alarma, y despues a gara e otro tresnan cu tambe tabata cu e persona aki.

MELDING

Segun informacion di Warda Costa, nan a haya un melding pa 5’or di marduga diasabra, cu tabatin un boto sospechoso na altura di Rodgers Beach. Polis y Warda Costa mesora a acudi na e sitio, y a topa un persona enberdad. El a declara cu laman bruto a bolter nan boto. El a splica cu tabatin 3 persona mas abordo cun'e. Despues di un buskeda chikito, a bin topa e otro tres personanan tambe. Mesora a pasa pa detencion di e cuater personanan cu tabatin nacionalidad venezolano.

BOTO CU GASOLINE

Mas despues a logra pone man riba e boto mes, hunto cu 7 bari di gasoline. E caso ta bou di investigacion.