Tormenta Erika a wanta cierto buelonan di InselAir na tera

WILLEMSTAD — InselAir a cancela buelonan di Aruba y Corsou pa Isla Riba. Tur e cancelacionnan tin di haber cu e pasada di tormenta tropical Erika awe. CEO di InselAir Aruba Frederick Nuboer a confirma na NoticiaCla.com cu por lo menos dos buelo a keda cancela cu ta esun di San Juan y Santo Domingo. "Pero nos ta pick up e hendenan despues di e storm" Nuboer a sigui bisa, indicando cu e problema lo keda resolvi mesora si. 

CANTIDAD DI BUELO

Na tur, tin 4 buelo cu InselAir a para. For di Corsou mester a sali un buelo for di Corsou pa St Maarten, y sigui pa Republica Dominicana y bula bek pa Corsou. Tambe un buelo di InselAir for di Aruba cu mester a biaha pa San Juan Puerto Rico, no a sigui. InselAir lo no kier a tuma risico.

BUELO CAMBIA

Tur pasaheronan cu mester a bula cu un di e buelonan aki, a wordo ‘cambia’. E pronostico di tempo ta mustra bon pa e proximo dianan, cu ta pone cu e buelonan lo por continua e dianan siguiente. Esnan cu no por a move awe, ta move mayan.

PAWA

E tormenta no tabatin efecto riba e itinerario di e aerolinea PAWA, cu ta e otro aerolinea cu ta bula 4 biaha pa siman for di Corsou pa Republica Dominicana. Nan buelo di ayera a sigui normal. Y mayan tambe esaki lo sosode.

.