Divi Resorts ta patrocina Amazonas y Jinete Juvenile na Interpaso 2015

ORANJESTAD - Aruba un biaha mas lo ta den luz international den mundo di cabay. Dianan 28, 29 y 30 di augustus Interpaso lo tuma lugar na Villa Floralina cu variedad di competencia di cabay. E cadena di hotelnan Divi Resorts na Aruba ta sumamente orguyoso di por aporta na deporte en general a sponsor amazonas y jinete juvenile di Rancho Ponderosa cu lo ta participando na Interpaso 2015 representando Aruba. Nan patrocinio ta den forma di un bunita t-shirt color biña cu nos por aprecia riba e potret . Ta bon pa menciona cu riba dia 30 augustus lo tin competencia grandi di mucha jong compitiendo cu nan cabay. Ta bai tin participante di varios pais rond mundo manera Colombia , Venezuela, USA, Republica Dominicana, Curacao y mas cu claro di Aruba. Un total di 60 participante for di edad di 4 aña te cu 24 aña.

E amantenan di e deporte equino y Aruba en general ta invita pa bin presencia un bunita competencia den diferente categoria. Participantenan a practica hopi duro y ta bon prepara pa duna un bunita presentacion hunto cu nan cabay pa tur hende cu bishita Villa Floralina e fin di siman aki. Lo tin tres hurado for di USA, Republica Dominicana, y Venezuela. Famia completo ta invita pa asisti na Villa Floralina diadomingo 30 augustus pa 2 pm pa apoya e jovennan compitiendo. Cadena di Hotel Divi Resorts ta desea tur participante hopi exito durante competencia.