Corsou tambe evaluando medida contra turistanan venezolano

WILLEMSTAD - Autoridad di Corsou ta evaluando pa tuma medida contra venezolanonan indesea, ‘manera cu Aruba a haci’. Asina e portal di Corsou ‘CuracaoCronicle.com’ ta raporta. E portal ta cita fuentenan den ministerio di husticia di Corsou cu lo por tuma medidanan aki. Nan ta referi tambe na e 5 categorianan di turista cu ta bin Aruba.

PROBLEMA CU VENEZOLANONAN

E articulo ta relata riba casonan recien unda cu 5 venezolano a wordo deteni, sospecha di a comete varios robo arma riba e isla di Corsou. Tambe tin e caso di e venezolanonan cu a purba horta joyas for di un tienda den un hotel. Ademas, e casonan confirma di varios dama venezolano cu ta trahando den prostitucion illegal riba e isla. Esey ta varios puntonan menciona pa cual autoridad di Corsou lo ta contemplando pa bin cu medida contra venezolanonan ‘indesea’.