Flexi-team structura mester yuda combati criminalidad

ORANJESTAD – Como un di e medidanan anuncia pa yuda combati criminalidad, minister di husticia ta haci mencion di e asina yama ‘flexi-team structura’. Investigacion di NoticiaCla.com ta mustra cu esaki ta nifica cu ta forma un team di diferente departamento, cu ta bay traha mas represivo riba e.o. gangnan. Otro stakeholders lo bay traha preventivo door di re-educa nan. Segun Dowers, miembronan di cuerpo policial ta sinti cu ainda nan falta un instrument cu ta permiti nan actua mas rapido den combatimento di criminalidad, principalmente ora cu mira movecionnan straño den comunidad. Cu e asina yama flexi-team, kier ataca e problemanan di delincuencia bou hobennan y a dicidi cu lo sigui cu esaki den un forma mas structura.