Tormenta Tropical Erika na caminda pa Isla Riba

PHILLIPSBURG – Tormenta tropical Erika ta sigui move den direccion Isla Riba. E alertanan di tormenta ainda ta vigente pa e islanan tambe y e islanan en cuestion por conta riba awacero torencial mayan mainta. Pero ya awe nochi ta premira cu e prome señal di awacero y biento fuerte lo wordo sinti. Asina e instituto meteorologo di St Maarten a informa. Na St Maarten, e aeropuerto ta sigui habri, pero bapornan crucero sinembargo no ta bishita e isla, como precaucion. 

UBICACION

Awe mainta 11'or, e tormenta tabata ubica 16.1 grado Noord, 57.6 grado West, 460km oost noord oost di isla di Antigua. Biento sosteni ta di 75 km pa ora, y moviendo direccion west cu forza di 28 km pa ora. Tin un asina yama advertencia (warning) di tormenta en efecto pa  Anguilla, Saba y St. Eustatius, St. Maarten, St. Barthelemy, Montserrat, Antigua and Barbuda, St. Kitts and Nevis, Puerto Rico, Vieques, Culebra , U.S. Virgin Islands , British Virgin Islands.   E sistema aki no ta forma ningun peliger pa Aurba pero lo wordo vigila di cerca, segun servicio meteorologo di Aruba. Fuente: Radio Paradise , National Hurricane Center, y METEO Aruba.