Delegacion di tennis a sali riba bon pia den e torneo U-12 Development Qualification na Corsou

Posted on 8/25/2015, 10:14 AM AST | Updated on 8/25/2015, 10:19 AM AST

WILLEMSTAD - E seleccion di tennis U-12 den mucha muher y homber a start bon den e torneo U-12 Development Qualification cu ta tumando luga na nos hermana isla di Corsou. E seleccion di Aruba U-12 consisti Dana Nunez y Sofi van Reek  den mucha muhe  y Carlos Noguera y Abhay Daswani den mucha homber a hunga un tremendo prome dia di torneo unda a gana Virgen Island y Bahamas. Aruba a ranca sali fuerte unda e mucha hombernan a hunga conta Virgin Island , Abhay Daswani a perde su prome wega 1-4 /3-5 , Carlos Noguera a gana e di 2 wega 5-3 / 4-1 , y Abhay y Carlos a gana den doubles 5-3 / 5-3 ganando e serie conta Virgin Island 2-1. Den mucha muher Aruba a enfrenta Bahamas, Danna Nuñez a gana su 5-3 / 4-0 , Sofie Van Reek a perde 1-4 / 0-4 , Danna y Sofie a hunga e doubles cu hopi tenshon y logra gana den di 3 set cu score di 2-4 / 4-2 / 10-7 y asina gana e serie contra di Bahamas 2-1.

Riba e di dos dia, Aruba su team di mucha muhe a enfrenta Antigua  y a logra gana e serie 3-0 , Danna Nuñez a logra gana su wega       4-0/4-0 y Sofie Van Reek a gana su wega 4-1/4-0. Den Doubles Danna y Sofie a logra gana Antigua 4-1 / 4-1 , esey ta pone nan lidera nan poule. E muchanan hombernan tabata liber y lo enfrenta Barbados diamars.