Tormenta tropical Erika ta sigui e caminda di Danny

MIAMI – Mesun dia cu Danny a kibra como tormenta, e siguiente a nace. Despues cu ex tormenta tropical a ‘muri’ dialuna, e siguiente sistema nobo ,- cu apenas algun ora prome tabata wordo vigila pa e servicio nacional di horcan na Miami pa su posibel formacion-, a comberti su mes den tormenta tropical Erika. E prome tabata pues un combinacion di actividad di mal tempo asocia cu un sistema di presion abou situa 825 miya oost di antillano abou, y cu a bira mas organisa awe. E tabata move direccion west cu velocidad di 20 miya pa ora. Ta premira cu e por forma den algo potencial dentro di e proximo 48 hora, y bira e proximo tormenta tropical Erika. E chens pa esaki tabata 90%. Anochi esaki a bira 100%. 

OTRO SISTEMA

Un otro sistema, un ola tropical combina cu un area di presion abou net west di islanan Cabo Verde, ta produciendo awacero desorganisa y tormenta. E no ta mucho conducivo pa forma den algo significativo den e proximo dianan. E ta moviendo si, den direccion west cu velocidad di 15 pa 20 miya pa ora. Y e chens pa formacion, aunke posibel, ta minimo y poni na apenas 10 porciento.