Aruba Bank cu e di 6 edicion di Good4theNeighborhood

ORANJESTAD - Orguyosamente Aruba Bank ta presenta su proyecto anual dedica na nos hobennan di scolnan secundario, Good4the Neighborhood2015. E aña aki cu un concepto diferente.

KEN POR PARTICIPA

Si abo ta entre 13 y 17 aña di edad y bo kier logra algo special pa nos comunidad, forma bo team di scol y aplica. Papia cu bo coleganan di scol, consulta cu bo docente y mentor, y presenta bo concepto di e proyecto. E aña aki studiantenan mester uza nan creatividad pa crea un video pa conscientisa nos comunidad. E tema pa e video lo ta "Become a Savings Star" y ta dedica na pone enfasis ariba un Aruba mas consciente pa spaar na un manera sabi y eficiente. Cu “spaar” por compronde por ehempel un programa pa conscientisa bo school, of comunidad ariba maneranan pa spaar door di uza awa y coriente na un manera sabi, dunando companianan tips con pa integra sistema di reciclahe pa spaar na gasto, y naturalmente tambe con por cuminsa educa muchanan di kleuter of basis pa siña nan e importancia di spaar y maneha nan placa (budget) pa ora nan bay studia den exterior. Asina cada scol crea nan propio concepto, identifica e publico na ken nan kier dirigi nan mensahe y por final nan mester presenta esaki den forma di un video. E videonan na final lo competi pa premio.

SCOLNAN Tur scol secundario di nos isla (MAVO, HAVO, VWO, EPB, International School, IBERO) ta invita pa participa. Un invitacion special ta bay pa inscribi no mas tarda cu 4 di september proximo pa asina garantisa nan luga. Mester menciona cu e aña aki lo acepta participacion di un maximo di 10 scol, pues sea trempan pa bo scol no keda afo. E plan pa e proyecto mester wordo entrega den september y durante luna di october e scolnan mester ehecuta nan proyecto. E evaluacion di proyectonan y seleccion di e ganado di e video competition ta tuma luga na november. Lo anuncia e scol ganado durante un evento special na fin di november.

ENFOKE

Cu apertura di aña escolar 2015/2016, Aruba Bank ta sigui enfoca riba nos hubentud, lansando “G4N 2015 – The Movie Project- Become a Savings Star”. Desde cu a lansa e proyecto “Good4TheNeighborhood” na aña 2010, el a resulta un exito rotundo y cada aña a haci diferente cambio pa encurasha hobennan pa ta creativo, pa presenta proyectonan diferente y, principalmente, pa e hoben ta envolvi di cerca cu e comunidad cu nan ta forma parti di dje.

PREMIONAN

E team ganado lo ricibi un premio di 10,000.00 mil florin. E teamnan riba e di dos y e di tres luga lo gana respectivamente AFL 7.500.00 y AFL 5,000.00. Registracion, regla y instruccionnan pa participa ta disponibel riba www.arubabank.com/g4n2015. Keda informa di tur updates ariba Aruba Bank su Facebook page www.facebook.com/arubabank, follow Aruba Bank riba Instagram y add Aruba Bank como friend ariba Snapchat.