Aruba Bank a sostene Mary Joan Foundation cu 10.000 florin

ORANJESTAD - Aruba Bank ta orguyoso di e sosten cu comunidad di Aruba a duna Mary Joan Foundation pa yuda recauda e fondonan necesario pa permiti e fundacion sigui cu nan meta pa sostene y yuda pashentnan di cancer di pecho na Aruba.

EVENTO TURN UP THE PINK

E evento di “Turn up the Pink” cu a tuma luga diadomingo ultimo den Aruba Entertainment Center a conta cu varios boluntario di Aruba Bank cu durante di henter dia a yuda nan clientenan den yena e formularionan di Standing Order pa yuda e fundacion mensualmente.

DONACION

Durante e evento, Aruba Bank a probecha di haci un donacion importante na e fundacion y a entrega un check di no menos cu 10 mil florin!

HISTORIA CU DONACION

Aruba Bank ta un banco cu un historia largo den sostene fundacionnan y institucionnan cu ta sirbi nos comunidad y cu ta crucial pa bienestar y futuro di tur esunnan bibando na Aruba. Un biaha mas Aruba Bank ta gradici henter comunidad pa e sosten demostra na Mary Joan Foundation.