DVG: Alerta pa sintomanan di salud despues di biahe

ORANJESTAD – Directie Volksgezondheid (DVG) ta pidi tur persona cu a bolbe recientemente di un biahe pafo di pais pa presta bon atencion na nan salud den e dianan despues di yega cas. E motibo ta un analisis di desaroyonan internacional tocante malesanan contagioso y malesanan cu por transmiti via sanger. DVG ta pidi bishitantenan pa keda alerta pa sintomanan cu por indica cu nan a haya un infeccion durante e biahe.

SINTOMANAN PA WAK

Kehonan cu mester wordo tuma serio ta incluye, entre otro: koorts, dolor di cabez, dolor di articulacion of spier, rash of manchanan riba curpa, tos, dolor di garganta, diarrea, cansancio extremo, wowonan cora y glandulanan hincha. E sintomanan aki por ta relaciona cu malesanan manera chikungunya, keintura hel, sarampion of otro infeccionnan di stoma y tripa.

BAY CERCA DOCTOR DI CAS

Si bo tin un of mas di e kehonan aki, ta wordo pidi pa tuma contacto cu bo doctor di cas lo mas pronto posible. Ta importante pa menciona bo historia reciente di biahe — e informacion ey ta esencial pa un bon evaluacion y un diagnostico rapido. DVG ta sigui monitorea e situacion regional y internacional y lo informa comunidad si ta necesario.

Contacto cu DVG ta posible via 522-4200 of service@dvg.aw.