Scarlet: Servicio di internet/data y telefon ta traha optimal atrobe

ORANJESTAD – E compania di servicio di internet y telefon Scarlet ta sigura su clientenan cu e problemanan tecnico di ultimo siman ta tras di lomba. Esey nan a sigura nan clientenan pa medio di un carta diabierna atardi.

CARTA

Den e carta, nan ta admiti cu nan tabatin problema tecnico ultimo dianan y cu nan ‘ a traha hopi duro ultimo dianan pa e coneccion di internet/data y coneccion di voz ta optimal atrobe’. A admiti cu nan a encontra un problema inespera, y a haci tur cos posibel pa logra e problema y evita pa sosode atrobe. “Nos por informabo cu nos ta ‘up and running’ atrobe cu e speed optimal”. A pidi despensa tambe pa e inconveniencia.

PROBLEMA

Tabata algun dia cu clientenan na Aruba y otro islanan a haya nan mes cu problema, cu mester a wordo atendi. Pero awor ta parse cu tur cos ta bon atrobe. (lesa e carta aki).