Horcan y incertidumbre mundial a frena crecemento di Caribe den 2025

BRIDGETOWN – Horcan, debe y incertidumbre mundial a pone presion fuerte riba economianan di Caribe den 2025. Crecemento regional a baha te 0,6 porciento — e nivel mas abou den añanan — mientras Guyana tabata e unico excepcion, superando promedio regional largamente danki na entrada di petroleo. Esaki ta sali for di e ultimo informe Caribbean Economic Review and Outlook 2025-2026 di Caribbean Development Bank.

Crecemento regional, sin inclui Guyana, a baha for di 1,4 porciento na 2024 pa 0,6 porciento. Cu Guyana inclui, crecemento total tabata 4,7 porciento, cu e pais aki keda impulsando resultado general. Turismo a sigui apoyando actividad economico, aunke na un paso mas lento, mientras resultado den paisnan exportador di materia prima tabata varia.

Varios pais a enfrenta contratiempo pa motibo di disturbionan relaciona cu clima y presion externo. Jamaica a wordo golpi pa Hurricane Melissa, mientras economia di Haiti a sigui contrae pa e di siete aña consecutivo pa motibo di inseguridad persistente.

Mercado laboral a keda relativamente stabil y inflacion a baha, aunke ainda tabata mas haltu cu prome di pandemia. Resultado fiscal tabata varia, cu nivelnan haltu di debe den varios economia.