ATA: Rodger’s Beach ta pasa pa un renovacion completo

ORANJESTAD - A.T.A. a cuminsa trabounan di restauracion y mantencion na Rodger’s Beach for di 13 di april 2026, cu meta pa termina na final di juni. E proyecto ta enfoca riba mehora siguridad y calidad di e area pa comunidad y bishitantenan.

Parte di e trabou ta inclui restauracion di e pier y plataforma pa sambuya, cu a deteriora cu paso di tempu. E meta ta fortifica e structuranan y haci nan mas duradero den ambiente marino.

Ademas, e “facility building” actual lo wordo basha abou y reconstrui, cu trabou cu lo dura mas o menos 60 dia. E edificio nobo lo wordo traha cu material fuerte, cu poco mantencion, y lo inclui mehor acceso pa publico.

Durante e proyecto, lo tuma medida pa mantene siguridad y minimalisa molestia, mientras cu tambe ta cuida medio ambiente marino.

Cu e iniciativa aki, A.T.A. kier sigura cu Rodger’s Beach ta keda un lugar sigur, bunita y funcional pa tur usuario.