Terminacion di contracto entre AZV y dentista Johnny Hernandez

ORANJESTAD – Entrante 1 di september 2015 e contrato entre dentista Johnny Hernandez y AZV ta termina. Dentista Johnny Hernandez a yega e edad di 65 aña. Manera stipula den contracto cu AZV, ora un dunado di servicio yega e edad di 65 aña e contrato ta termina. Como AZV nos ta haci uzo di e oportunidad pa gradici dentista Johnny Hernandez, kende pa añanan largo a duna servicio na e aseguradonan di AZV. A compronde cu e dentista lo sigui traha pa pashent priva. 

YIU TA SIGUI TATA

E practica di dentista Johnny Hernandez lo sigui, pero awor den man di su yiu homber, dentista John Hernandez. Tur asegurado cu tabata inscribi cerca dentista Johnny Hernandez lo wordo traspasa automaticamente pa dentista John Hernandez. E aseguradonan di AZV cu ta desea un otro dentista cu no ta dentista John Hernandez, por acudi na e dentista di nan propio escogencia pa yena un formulario di cambio eynan. E dentista (nobo) lo percura pa manda e formulario di cambio pa AZV pa asina e cambio wordo procesa.