Alivio di e practicanan grandi di dokter di cas

ORANJESTAD - Pa algun aña caba AZV tin e palabracion den contracto cu e docternan di cas cu cada uno por tin un maximo di 2475 pashent inscribi. E cantidad maximo aki ta duna e espacio pa cada dokter di cas dedica suficiente tempo na su pashentnan y pa evita tempo di espera largo. Sin embargo, te cu dia di awe, ainda tin aseguradonan inscribi cerca practicanan di dokter di cas mucho grandi. Pa alivia e practicanan grandi y pa yuda e docternan di cas pa tin debido tempo pa atende nan pashentnan, AZV hunto cu e 4 practica di dokter di cas grandi a tuma e decision pa haci un traspaso automatico di algun asegurado pa un dokter di cas nobo.

LAST IN FIRST OUT

E decision a bay a base di ‘last in, first out’ y ta nifica cu AZV den palabracion cu e 4 docternan di cas a bay wak cua pashentnan lo wordo traspasa pa un dokter di cas nobo.

Nos ta referi na e pashentnan di e docternan di cas:

Dr. Kelvin Cayama

Dr. Norma Alvarez Quezada Dr. Edwin de Cuba

Dr. John Croes

Esaki ta nifica cu dentro di poco, un grupo di asegurado perteneciendo na e 4 docternan di cas anteriormente menciona ta ricibi un carta di AZV tocante e traspaso automatico pa un dokter di cas nobo.