Dowers: Gobierno ta preparando medidanan urgente pa controla caos den trafico

ORANJESTAD – Minister Arthur Dowers a reuni cu e comision di siguridad den trafico pa atende e aumento preocupante di accidentenan y e situacion cu vehiculonan electrico manera e-steps y e-scooters ta crea riba caya.

Durante e reunion, autoridadnan a confirma cu e problema a bay for di control y ta pone tanto conductornan como peatonnan na riesgo. Consehonan tecnico y legal a wordo presenta pa guia accion inmediato.

Dowers a indica cu e situacion actual no por continua y cu gobierno ta trahando riba un pakete di medidanan pa fortalece control, clarifica reglanan y mehora siguridad.

Den poco dia, e minister lo presenta medidanan concreto den un conferencia di prensa, cu e meta pa restablece orden y trankilidad den trafico.