- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
ANALISIS : E crisis automobilistico riba caminda na Aruba
Scirbi pa Tito Laclé
E subida di 366 accidente segun e registro oficial di forensis, den un solo aña no ta un simple estadistica. E ta un señal cla cu algo fundamental den nos sistema di trafico no ta trahando mas.
Aruba ta un isla chikito. Distancianan ta cortico. Pero aun asina, nos ta logra crea un nivel di accidente cu ta comparable cu paisnan hopi mas grandi. Esaki no ta casualidad. Cuanto biaha abo cumi, ta puntra nos mes, con por ta posibel cu cierto caminda na Aruba tin cierto tipo di accidente. Y cu esaki, mi kier men, autonan cu ta bolter.
Tin varios factor cu por ta contribui: Crecemento di trafico, mas auto riba caya cu nunca, falta di disciplina, uso di telefon celular, falta di prioridad, velocidad, infrastructura limita: Camindanan cu no a wordo adapta pa e volumen actual, falta di control consistente: Presencia policial no ta semper visible.
Pero e punto mas importante ta si, nos cultura. Atrobe e culpa ta wordo tira riba ‘cultura’. Ta nos cultura. Asina nos ta core. Siña biba cune!. Hopi chauffeur na Aruba no ta percibi coremento di auto como un responsabilidad serio. Ta existi un mentalidad di cultura di “mi ta yega awor mes”,of ‘mi mester yega awor y lihe’ unda cu regla ta wordo ignora pa gana un par di minuut. E resultado: accidente tras accidente.
KICO POR CAMBIA?
Si Aruba kier baha e cifra aki, lo tin cu tuma decisionnan serio: Control mas estricto, mas presencia policial y multa consistente. No awe si, mayan no. Tambe pensa riba campaña di concientisacion real, no solamente un slogan aki aya, pero accion y educacion continuo, y si, inversion den infrastructura, rotonde, señalizacion cla (uso di señal (richtingaanwijzer!!) , y adaptacion di camindanan. Sin cambio di comportamiento di conductor, nada no lo cambia
CONCLUCION
E cifra di 2676 accidente den un kwartaal no ta normal.
Si no tin accion rapido, e situacion por bira pio, no solamente den daño material, pero eventualmente den bida humano.
E pregunta clave awor ta: Ken lo tuma liderazgo pa pone un freno riba e tendencia aki? Gobierno atrobe, polis, of ami cubo, hunto, como chauffeurnan mas responsabel?
AMMF: Dolfijn Charlie ta sigui recuperando na Aruba
Rainbow Warriors ta propone codigo di conducta pa sector di UTV, ATV, e-bike y e-scooter
ORANJESTAD - Rainbow Warriors Core Foundation a haci un llamado pa crea un convenio y codigo di conducta enfoca riba sostenibilidad pa e sectornan di UTV/ATV y e-bikes/e-scooters na Aruba. Segun e fundacion, e reciente decisionnan di gobierno y e accion legal contra operadornan di ATV y UTV ta pone empleo y estabilidad economico den peligro.
Aruba ta revoca permiso di buelo di aeroliña charter Bestfly: Compania ta bisa cu nan mes a pidi esey
Nacionnan Uni ta alerta riba reto y cambio den famianan na Aruba
ORANJESTAD - Den cuadro di Dia Internacional di Famia 2026, Nacionnan Uni ta pone enfasis riba importancia di famia como base fundamental pa desaroyo humano y bienestar social. Tema di aña aki ta “Famia, desigualdad y bienestar infantil”, enfocando riba impacto di pobresa, divorcio, violencia, adiccion y exclusion social riba mucha y hoben.
Miguel Mansur ta cuestiona “show” politico y falta di solucion structural na Aruba
ORANJESTAD - Empresario y opinionista Miguel Mansur a critica e forma con gobierno ta presenta diferente proyecto publico fueramente, argumentando cu hopi anuncio y evento mediatico no ta ataca e problemanan structural cu Aruba tin. Segun Mansur, revitalisacion real di centro di ciudad no ta cuminsa cu camera ni cu acto simbolico manera kita klinker, sino cu solucionnan concreto y duradero.
HOH ta amplia cuido medico cu prome Physician Assistant na Aruba
ORANJESTAD - Horacio Oduber Hospital (HOH) a celebra un momento historico cu graduacion di Gianina de Freijtas como e prome “Physician Assistant” (PA) na Aruba. E estudio, desaroya hunto cu HAN University of Applied Sciences, ta enfoca riba cuido directo di pashentnan y ta brinda mas oportunidad pa profesionalnan medico traha independiente y asisti specialistanan.
Follow NoticiaCla
