- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Corte: Plan pa desaroya ex 'Isla de Oro' den area marino rechasa!
ORANJESTAD – Un intento pa desaroya un proyecto turistico riba un rif conoci como ex Isla di Oro, den un area marino a haya un golpe fuerte dialuna despues cu Corte a rechasa e apelacion contra e decision di gobierno. E caso ta draai rond di un peticion pa haya permiso pa construi y exploita un facilidad cu tin caracter di horeca y educacion, pero autoridadnan a determina cu esaki ta contra e destinacion di e area.
MARINEGEBIED
Segun e decision di corte, e tereno en cuestion tin e destinacion di “Marinegebied”, cu segun ley, ta enfoca riba proteccion di balor natural y ecologico. Den e documento presenta, ta claramente stipula cu construccion no ta permiti den e tipo di zona aki, y uso comercial ta severamente limita.
CONTRIBUI NA TURISMO?
E apelante a argumenta cu su plan lo contribui na turismo y educacion, incluyendo un centro cu actividadnan pa bishitantenan. Tambe a presenta un parti visual di e proyecto, unda por mira un desarroyo cu ta ocupa casi tur e isla. Sinembargo, corte a conclui cu e escala di e plan no ta compatibel cu e funcion natural di e area.
PUNTO CLAVE
Un punto clave den e decision tabata cu e tipo di uso proponi – horeca y recreacion intensivo – lo trese mas presion riba e medio ambiente, algo cu ta bai directamente contra e proposito di proteccion di e zona. Corte a enfatisa cu ley ta pone conservacion di e area como prioridad, no desaroyo comercial.
MARCO LEGAL
Ademas, e apelante a trata di argumenta cu gobierno no a sigui e proceso corecto, incluyendo falta di consulta cu un comision di bezwaar. Pero corte a rechasa e punto aki, indicando cu decisionnan a wordo tuma dentro di e marco legal y cu apelante no a sufri ningun dano sustancial den e proceso.
NO TA DUNA PERMISO
Finalmente, corte a declara e apelacion como infunda y a confirma cu e permiso pa desaroyo no lo wordo duna. Esaki ta manda un señal claro: proteccion di medio ambiente ta keda un prioridad riba interesnan comercial, specialmente den area marino sensitivo.
TENSION CRECIENTE NA ARUBA
E caso aki ta subraya un tension creciente na Aruba entre desaroyo turistico y proteccion ambiental. Mientras presion pa crece economia ta aumenta, corte ta mustra cu tin limitenan cla: no tur terreno ta pa desaroya. Por lesa e sentencia completo AKI.
Aruba Birdlife Conservation cu caso contra destruccion di naturaleza pa UTV y ATV
Huez a trata caso di prohicion di e-steps riba caminda publico, den corte
ORANJESTAD – Gobierno no por djis yega, y kita e-steps y e-bikes for di caminda sin mas. Y huez mester prohibi gobierno pa e paso aki y si gobierno no cumpli, e mester paga un multa. Esaki ta e peticion den liña grandi, diabierna mainta ora cu abogado di e dos companianan cu a hiba gobierno corte, Evikes y Friendly Green Bikes. Gobierno su representante (DWJZ) a argumenta cu e ‘rotzooi’ aki mester termina y cu e situacion no por sigui asina y lo para ariba pa huez prohibi e dos companianan di sigui opera cu nan aparatonan riba caminda publico.
Corte: E-step por staciona atrobe riba caminda publico temporalmente
ORANJESTAD – Corte diahuebs atardi a dicidi cu e-step por keda riba tereno publico, te ora cu e caso cu e compania(nan) cu ta doño di e stepnan por haya nan dia den corte. Esaki a bin algun ora despues cu autoridad policial y DTP a actua y piki tur e-step y scooter riba caminda publico. Minister encarga cu husticia Arthur Dowers den un reaccion na e portal 24ora.com diahuebs atardi, a mustra su lamento pa e decision di huez, y a sigura cu e lo para duro. Mientrastanto e-stepnan ta bek, pero e interesante ta cu ta permiti pa nan ta staciona riba caminda publico, pero si core cu nan, e persona por haya multa. Otro siman diabierna tin e prome caso den corte.
Sigmar Carmelia nombra como presidente di Corte Comun di Husticia
ORANJESTAD - Na Corte Comun di Husticia, sr. mr. S.A. (Sigmar) Carmelia a wordo nombra como presidente. E nombramento lo drenta na vigor riba e dia cu e Desicion Real (Koninklijk Besluit) wordo firma. E Conseho di Ministernan di Reino a duna su aprobacion pa e proposicion pa e nombramento aki, riba propuesta di secretario di estado di Husticia y Seguridad, Van Bruggen.
VIDEO: Dowers: Prematuro pa trata tema di gratie den caso Avestruz
ORANJESTAD – Despues cu e sentencia final a cay pa ex minister Benny Sevinger den e caso Avestruz siman pasa, noticiacla a publica un articulo riba e tema di ‘gratie’ osea Gracia, of pordon pa e condenado. Un tema cu Ministerio Publico a trata cu noticiacla ora cu a puntra riba e siguiente proceso. Aki ta unda cu Ministerio Publico a splica cu despues di e sentencia final, ta warda 9 dia, pa duna e condenadonan e chens pa pidi pa gratie.
Huurdo no a presenta na sesion y a perde su caso
Follow NoticiaCla
