Problema di rij largo na aeropuerto ta algo structural

ORANJESTAD - E keho di cu tin linja largo na imigracion na aeropuerto den weekend no ta pasobra no tin suficiente personal, pero ta debi na e structura. "Bo no por tin e personeel adecua aunke cu bo tin tur hende riba dienst". Hefe di IASA cu ta regula imigracion, Gerald Vingal a bisa NoticiaCla. E ta un problema structural segun Vingal, y pues nada di haber di cu no ta pagando overtime. Tur weekend esaki ta e problema y a sigura cu tanto IASA como AAA NV tabatin bon coperacion cu otro pa regla e fluho. "Pero den weekend ta onvermijdelijk cu no tin fila" Vingal a sigui bisa. E problema ta e infrastructura ta di tal forma cu sin tin 4 spot na international y na US, aunke bo yena tur e funcionan na bali, e no ta yuda resolve e problema. E cantidad total di trahado ta 73 ambtenaar di imigracion cu tin cu rotate shift pa sigura cu tin personal tur ora na pia di trabou. Di nan tur, tin un reorganisacion pa mira ken realmente por traha y ken no segun e hefe. 

E hecho cu Vingal no a  haya un inloop periodo corecto, relaciona cu e traspaso di un hefe pa otro no tabata un hecho. Vingal ta mustra cu loke e la haci a bay bon, y a haci su estudio pa mira con tur cos ta draay y sigur con e ambtenaren ta fungi bon.