Aruba ta fortalece rol internacional durante foro cu Union Europeo

ORANJESTAD - Prome minister Mike Eman a destaca durante un reunion cu partnernan di Union Europeo cu islanan ta representa “Europa” den Caribe, Pacifico y Artico, y cu nan posicion strategico ta importante pa cooperacion global.

Durante e conferencia OCTA, lidernan a enfoca riba fortalecemento di cooperacion internacional y e rol di islanan chikito den enfrenta reto manera desaroyo economico, infrastructura y costo halto. Tambe a subraya cu inversionnan mester ta strategico pa crea impacto duradero.

Aruba ta posiciona su mes como un socio confiabel, cu experencia den atraha proyecto financia pa Union Europeo y organizacion di eventonan internacional importante. E foro ta continua cu mas reunionnan y conferencia di inversionistanan den e dianan cu ta bin.