Foro OCT-UE na Aruba ta pone enfasis riba colaboracion pa enfrenta reto global

ORANJESTAD -  Aruba e dianan aki ta anfitrion di un foro internacional entre Union Europeo y territorio nan ultramarino, unda lidernan a enfatisa importancia di traha hunto pa enfrenta reto global.

Jozef Síkela a destaca cu islanan, specialmente den Caribe, ta enfrenta desafionan similar manera cambio climatico, desastre natural y transicion di energia, y cu colaboracion ta clave pa logra solucionnan concreto.

Tambe a menciona iniciativanan manera uso di tecnologia satelital pa mehora preparacion y reaccion riba tormenta y otro evento extremo.

Di su banda, Peter Borg a subraya cu, apesar di diferencianan entre islanan, nan ta comparti mesun reto, y cu traha hunto cu Europa por yuda logra desaroyo mas rapido y efectivo.

E foro ta confirma importancia di cooperacion internacional y inversion den solucionnan sostenibel pa futuro di islanan.