- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Hefe di NAVO Rutte ta sigui apoyo pa guera di Trump na Iran, apesar di critica
WASHINGTON - Hefe di NATO, Mark Rutte, ta sigui sostene e guera di Donald Trump na Iran, apesar di critica cu e posicion aki no ta comparti pa tur miembro di NAVO. “Den e alianza semper lo tin diferente opinion,” Rutte a bisa. “Esaki ta inevitabel. Ta democracia nan.”
Segun Rutte, tur paisnan ta di acuerdo cu Iran ta un amenaza si e pais tin capacidad nuclear y di misil. “Y loke Merca ta haci awor ta desmantela e capacidadnan aki. Y si, mi ta aplaudi esey.”
Rutte a presenta su informe anual di NAVO pa 2025 y a bisa cu el ta satisfecho cu e progreso, incluyendo aumento den gasto di defensa y mantenemento di Estados Unidos dentro di e alianza.
Sinembargo, durante e conferencia di prensa, atencion tabata principalmente riba e conflicto na Iran. Rutte mester equilibra entre United States, cu ta sigui cu atakenan, y algun paisnan Europeo dentro di NAVO cu tin preocupacion serio riba e estrategia di Trump.
Entre e criticanan, Friedrich Merz a bisa cu ainda no tin un plan claro pa logra exito den Iran y cu Alemania no a wordo consulta. Spain ta considera e guera ilegal, mientras Emmanuel Macron a bisa anteriormente cu e atakenan di Estados Unidos y Israel ta bai contra derecho internacional.
Apesar di esaki, Rutte a elogia e accionnan di Estados Unidos durante aparicionnan publico. Den un entrevista cu CBS, el a bisa cu accionnan di Trump ta “crucial” pa haci mundo mas sigur.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
