BLT Steak a habri su porta na The Ritz-Carlton, Aruba

ORANJESTAD – Den colaboracion cu ESquared Hospitality, The Ritz-Carlton, Aruba cu hopi orguyo awe ta anuncia cu e restaurant nobo, BLT Steak, a habri su portanan. E restaurant cu tanto ta wordo admira, ta celebra su segundo lugar den Caribe, siguiendo e suceso extraordinario di BLT Steak na The Ritz-Carlton, San Juan. Den un ambiente cozy, gerencia y staff di e hotel y restaurant, a tene nan actividad di 'tasting' diamars ultimo unda cu miembronan di prensa y demas invitado, por e experencia e loke cu e restaurant BLT tin di ofrece. Pa dos ora largo, acompaña pa e gerente y tambe otro miembronan di e staff di e hotel, esnan invita a keda atendi, manera cu The Ritz-Carlton Aruba so por. 

BON BINI

“Nos ta encanta di por yama bon bini na BLT Steak riba nos isla como e steakhouse Americano cu tin e calidad mas halto,” Steven Redkoles, general manager di The Ritz-Carlton, Aruba a menciona. “Nos ta sigur cu un marca culinario asina reconoci y sofistica lo haya un exito grandi na Aruba.”

SERVICIO UNICO

Cu mas di 15 lugar rond mundo incluyendo Hong Kong, Tokyo y New York, BLT Steak tin un estilo unico cu un servicio excepcional, estableciendo un tono pa e Steakhouse Mericano Moderno desde cu e prome lugar a habri na New York City na aña 2004. Elementonan distingui ta inclui BLT Steak su famoso popovers cayente y un seleccion di clase mundial di USDA choice steaks, hunto cu ofertanan semanal di “blackboard” cu enfasis riba sabornan di e temporada y ingrediente local.

INTRODUCCION

“Nos ta masha contento pa introduci BLT Steak na Aruba, cual ta bira nos di dos lugar den Caribe y continuando e relacion cu Ritz-Carlton,” Keith Treyball, Presidente di ESquared Hospitality a menciona. “Nos ta entusiasma pa trece e experencia di BLT Steak pa e pueblo di Aruba y su bishitantenan. Nos tin un orguyo pa hospitalidad di clase mayor y nos ta spera di laga nos marca na Aruba su premier hotel luhoso pa guestnan cu semper a busca excelencia na Aruba.”

CENA ELEGANTE

E espacio nobo di BLT Steak ta inclui oportunidad pa disfruta di un cena elegante cu opcion pa come paden of pafo, y tambe tin un area priva pa occasion special. BLT su diseño y decoracion iconico ta wordo acompaña pa un bar y lounge vibrante cu ta ofrece cocktails, craft beer, y un lista grandioso cu selecion di biña di rond mundo.

MENU Y PRIJS

Ademas di un sin fin di experencia inolvidabel riba nos isla na The Ritz-Carlton, Aruba, huesped ta invita pa purba BLT Steak su cuminda hunto cu e pakete di BLT Steak, cu ta inclui un anochi y $100 credito pa BLT Steak cuminsando na $499 USD pa anochi. The Ritz-Carlton, Aruba ta parti di un cadena renombra di Ritz-Carlton Hotels den Caribe y Latino America. Ademas di Aruba, e coleccion ta inclui biahe di clase mundial na Cancun, St. Thomas, Grand Cayman, Santiago, San Juan y Dorado Beach (Puerto Rico). Pa reserva, bishita e website di

The Ritz-Carlton, Aruba.