Tur cos cla pa 9th edicion di Caribbean Sea Jazz Festival

ORANJESTAD - E di 9 edicion di Caribbean Sea Jazz Festival ta na caminda y lo tuma lugar ariba 25 y 26 di september 2015. Benta di ticket ta den full swing pa loke ta wordo premira como un fin di siman sumamente placentero yena cu ambiente di musica, arte y cumindanan delicioso. Ta bai tin 3 stage cu mas di 18 presentacion.

FULL LINE UP

Manera tur aña lo tin musica pa tur gusto. Artistanan internacional cu lo presenta ariba diabierna 25 di september ta Earth, Wind & Fire Experience feat. The Al McKay Allstars, Mike Stern Band, Roy Hargroves RH Factor, The Ploctones y Delbert Bernabela. Artistanan local ta Fuente, Michael Bremo y The Failures. Ariba diasabra 26 di september lo tin presentacion di Grupo Niche, Jessy J, Maite Hontelé y Roberta Gambarini. Ariba e dia aki artistanan local ta consisti di Robert JeanD’or, Live Xpressions, Johnny Scharbaay y Franklin Granadillo Big Band.

WORKSHOPS

Ariba 23, 24 y 25 di september lo tin diferente workshops presenta door di e artistanan Roy Hargrove, Giovanca, Anton Goudsmit/Ploctones y Maite Hontelé na diferente skolnan. Si abo como skol ta desea di participa na esaki por registra door di manda un mail pa contact@caribbeanseajazz.com

BENTA DI TICKET

Benta di ticket ta bayendo tremendo. Interes ta halto pa e festival aki caminda cu banda di musica lo por gosa di diferente tipo di arte como tambe di varios plato cuminda presenta pa restaurantnan. Ticket nan ta obtenibel pa $55, na porta esaki lo bira $70. Pa nos hobennan te cu 15 aña tin e oportunida di cumpra nan ticket pa solamente Alf 10 cu ta obtenibel na UNOCA y Cas di Cultura. Ademas ainda tin algun mesa VIP caminda cu por sinta cu 10 persona na e prijs di $2000, no warda mucho paso e ta bai sold out pronto.

COMBI TICKET CU TEDX

E aña aki tin un componente nobo caminda cu organisacion di Caribbean Sea Jazz Festival a team up cu TedX. TedX lo tuma lugar na Aruba den e siman prome cu Caribbean Sea Jazz Festival. Pa esnan cu ta desea di atende tur dos evento por opta pa cumpra un Combi Ticket. Pa atende TedX plus 1 dia di Caribbean Sea Jazz ta paga $125. Pa 1 dia di TedX y tur dos dia di festival ta paga $175.

Pa bo keda bon informa ariba e desaroyonan di Caribbean Sea Jazz Festival 2015, like nan pagina ariba www.facebook.com/CaribbeanSeaJazzFestival y bishita nan website na www.caribbeanseajazz.com pa mas informacion.

Un danki special na e patrocinadornan kende nan ta Aruba Tourism Authority, Aruba Airport Authority, Insel Air, Renaissance Aruba Resort & Casino, Tropical Bottling y Divi Resorts