Reunion riba Valero y visa pa Venezuela a cuminsa na Hulanda

DEN HAAG - E delegacion di gobierno di Aruba a reuni awe cu delegacion di gobierno hulandes na Den Haag riba un serie di topico, di cual entre otro e refineria na San Nicolas tabata un di e topiconan. Prome minister Mike Eman a lidera e delegacion di Aruba y minister Bert Koenders a lidera e delegacion di Hulanda.

CITGO

Pa loke ta e topico di refineria, e interes cu e compania Citgo Petroleum Corporation di Houston a mustra recientemente den un posibel compra di e refineria na San Nicolas, tabata motibo principal di e bishita y topico. Segun informacion di gabinete di minister plenipotenciario arubano na Hulanda, Aruba a wordo asisti pa ministerio di asuntonan exterior di Hulanda, usando e embahadanan di reino den e respectivo paisnan interesa.

Relaciona cu esaki, minister Eman a informa minister Koenders cu Citgo tabata esun cu a mustra mas interes serio den e toma di produccion di e refineria. Ministernan Mike de Meza y Benny Sevinger di Aruba tambe tabata presente na e combersacionnan .

Mas detayes no tabata conoci di e reunion, manera cu e la desaroya. NoticiaCla.com lo keda pendiente pa e resultado di e reunionnan cu a cuminsa awe y ta continua den curso di e siman aki.