Ombudsman ta presiona companianan estatal pa regla sistema di keho

ORANJESTAD - Ombudsman di Aruba, Jurima Bryson, ta urgi companianan estatal manera Elmar, SETAR, WEB Aruba y Serlimar pa introduci urgentemente un procedura di keho cla y accesibel. Segun e rapport “Het Luisterend Oog”, a keda evidente cu aunke e companianan tin servicio pa cliente, nan no tin un sistema formal y conoci pa maneha kehonan. Esaki ta limita transparencia y confianza di ciudadano. Ombudsman ta enfatisa cu un procedura di keho no ta opcional, sino esencial pa un servicio di calidad. E a pidi pa implementacion rapido, incluyendo claridad riba con presenta keho, con e ta wordo trata y ken ta responsabel.

Meta final ta fortalece confianza, mehora servicio y duna ciudadano mas proteccion den nan relacion cu companianan estatal.