Mundo ta bati alarma: desperdicio di cuminda ta yega nivel critico

ORANJESTAD - Dia 30 di maart ta marca Dia Internacional di Cero Desperdicio, cu e enfoke e aña aki riba e problema global di desperdicio di cuminda. Mientras 783 miyon hende ta sufri di hamber, mas di 1 biyon tonelada di cuminda a wordo perdi na 2022, cu ta casi 19% di tur cuminda disponibel.

Mayor parti di e desperdicio ta bin for di hogarnan (60%), sigui pa sector di hospitalidad (28%) y comercio (12%). E situacion aki no solamente ta contribui na hamber, pero tambe ta afecta gravemente cambio di clima, siendo responsable pa 14% di emision global di gas methane.

Pa Aruba, unda mayoria di cuminda ta wordo importa, desperdicio ta nifica tambe perdida di recurso manera awa, energia y costo di transporte. Solucionnan ta inclui miho planificacion di compras, reduccion di desperdicio na restaurante y supermercado, y uso di practica manera composting.

E mensaje ta cla: pa logra un futuro sostenibel, tur hende mester aporta pa reduci desperdicio di cuminda.