Lotto 5 a haci un otro ganado contento cu 100 mil florin

ORANJESTAD - Despues cu diaranson nan a gana e premio mayo di 700 mil florin cu Lotto 5, e diasabra siguiente un biaha mas suerte a toca na porta di un otro hungado. Giovanni a bay controla su ticket loco cu e la cumpra na Suemar Lottery 2 y nan a dune e bon noticia cu e ta e feliz ganado di 100 mil florin. E tabata masha contento y sorprendi cu e la gana 100 mil florin cu su ticket loco. Ora cu e la bin cobra na oficina principal di Lotto na Paardenbaaistraat a bin topa cu e doño di Suemar Lottery 2 y a saca un potret hunto cu ne.

FELICITACION

Lotto ta felicita Giovanny J., cu su premio y cu e disfruta hopi di dje. Cu e hecho aki ta keda demostra cu ora suerte bati na bo porta y cu un premio ta di bo....ta di bo mes e ta! Ta bon pa menciona cu riba 15 di augustus Lotto 5 a wordo gana un biaha mas! Nos ta spera e ganado, di e jackpot di 110.000, na oficina principal di Lotto na Paardenbaaistraat 10, pronto.

LOTTO

Lotto, e loteria di Aruba tin 8 diferente wega, Catochi, Big 4, Zodiac, Wega di number di Korsou, Lotto di dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.