Spaña ta blokia espacio aereo pa guera di Merca contra Iran

MADRID - Spaña, como pais miembro di OTAN, a dicide cu avionnan militar di Merca no por usa su espacio aereo pa operacionnan relacione cu guera contra Iran. E decision aki a wordo confirma segun informacion di medio  spaño El País.

Prome minister Pedro Sánchez a declara cu for di principio Spaña no lo permiti operacionnan militar for di su basenan pa e conflicto. Sin embargo, uso pa otro proposito, manera suministro di tropanan den Europa, si ta permiti. Tambe, ta haci excepcion den caso di emergencia.

Gobierno  spaño  a opone claramente contra e guera, indicando cu nan no kier participa den algo cu ta contra nan normanan y baloranan.

Prome cu guera a cuminsa, Merca a posiciona avionnan di suministro na basenan di Rota y Morón, y a considera usa bombarderonan pa eventual atakenan. Pero Spaña a rechaza e plan, pasobra no tabatin respaldo di derecho internacional ni apoyo di United Nations, NATO of European Union.

Awor, e operacionnan ta wordo dirigi for di Reino Uni y otro paisnan europeo, incluyendo Rumania.

Apesar di esaki, Spaña si ta contribui na defensa di Chipre contra atakenan di misil, participando cu su fragata Cristóbal Colón den un flota internacional.