Hulanda ta gana Noruega den wega preparativo pa mundial 2026

AMSTERDAM – E seleccion hulandes di futbol  a cuminsa su aña di Mundial cu un victoria, despues di gana 2-1 contra Noruega den Johan Cruijff Arena.

Un sorpresa grandi den e ekipo oraño tabata e puesto den equipo titular pa debutante Kees Smit. E mediocampista di 20 aña di AZ Alkmaar a hunga cu number 21 di Frenkie de Jong y a haya e oportunidad pa ocupa su posicion, pa motibo cu e hungador di FC Barcelona no tabata presente.

Noruega a logra clasifica pa Mundial despues di 28 aña, en parte pa motibo di victorianan impresionante contra Italia (3-0 na Oslo y 1-4 na San Siro). Ademas, e equipo tabata invicto den e ultimo 12 partidonan.

Apesar di esaki, Noruega no a hunga cu su formacion completo. Erling Haaland (descansa) y Martin Ødegaard (lesiona) no tabata presente.

Aun asina, e equipo Noruego a mustra cu nan ta mas cu solamente Haaland y Ødegaard, cu referensia na prestacionnan fuerte di Bodø/Glimt den Champions League.

Entrenador Ståle Solbakken a scoge pa pone Jørgen Strand Larsen y Alexander Sørloth den atake. Pa Sørloth, tabata un oportunidad pa sigui paso di su tata, Goran Sørloth.

Ultimo biaha cu Oranje a perde contra Noruega tabata na 1992, ora Ronald Koeman a causa un penal y Goran Sørloth a marca e gol decisivo.

Den e partido, talento Andreas Schjelderup di Benfica a pone Noruega dilanti na minuto 24. E extremo a drenta facil pa banda robez sin mucha resistencia di Denzel Dumfries y a curva e bala den e skina leu, pasando portero Bart Verbruggen.