Polis a reparti diferente proces verbaal pa violacion ley di cacho

Posted on 8/18/2015, 9:52 AM AST | Updated on 8/18/2015, 2:53 PM AST

ORANJESTAD - Ley di cacho, poco poco ta forma y ta cria forsa. Awor mas cu nunca noticia di cacho ta circula den nos comunidad. Tur dia por lesa cu ciudadano ta exigi pa respeta e ley di cacho y ta reporta esaki na polis. Rond Aruba polis ta implementando e ley halando atencion di doñonan cu nan tin responsabilidad ora nan tin un cacho. For di e luna di juli polis Task Force ta operando den e districto di Noord. E task force ta enfoca riba e implementacion corecto di e ley di cacho. Si e ta exitoso otro districtonan por sigui.

PARTI DISTRICTO DEN VARIOS PIDA

A parti e districto den 11 pida y a cuminsa di controla sistematicamente di West punt, Esmeralda y Sero Pela biniendo pabao. Durante diferente ora Polis a cana porta pa porta asina inspecciona si e ciudadanonan a cumpli cu e rekisito nan di e ley of si no ta mantene nan mes na e ley nobo. Banda di inspecciona cierto area polis Task Force ta revisa e kehonan cu ta drenta. Den tur caso, a cuminsa na duna un aviso. E oficialnan ta tuma nan tempo pa educa e personanan concerni riba e ley y con pa cumpli cu esaki. Den mayoria caso ora a regresa pa observa e situacion di nobo por a registra un cambio positivo administra pa e doño di cacho.

CANTIDAD PARTI

Durante luna di juli a duna 39 aviso 4 process verbal cu ta mara na un boet y ainda tin 15 caso . Trabou no a caba den e luna di augustus lo sigui traha den e area di Noord.

Tin 2 categoria di boet:

di FL300 (por subi pa Fl 500 den caso di ofensa ripiti) Cachonan los riba caya. Cachonan cu ta forma un molester pa bisiña(p.e. blafmento constant of holo desagradabel

    

       2.   di fl750,- (por subi pa Fl 1000 den caso di ofensa ripiti)

Cacho no ta mara corecto na un linea (mester ta un looplijn). Cacho no ta haya cuminda of esaki den un cantidad mucho abou como calidad pesimo. Cacho no ta haya awa tur dia Cacho no ta haya protection contra biento, awa cero y solo cayente. Cacho cu ta sufri di un condicion y no ta haya cuido medico.

Percura pa abo si ta cumpli cu e ley cu a bin pa keda. Pa mas informacion riba e ley di cacho por bishita www.plataformaleydicacho.org

Pa entrega keho riba infraccion riba e ley di cacho den e districto di Noord por yama Task Force 588-2310. Pa keho riba incumplimento di Ley di cacho den otro districto por yama 100. Tambe por tuma contact cu Plataforma ley di cacho via mensahe na Facebook: plataformaleydicacho. Plataforma Ley di cacho ta un “overlegorgaan” anto no ta disponibel.