Conocido actor mericano Bill Cosby obliga pa paga mas di 50 miyon pa abuso sexual di 1972

LOS ANGELES  – Un tribunal hudicial a determina cu actor y comediante Bill Cosby mester paga mas di 50 miyon euro na Donna Motsinger, cu ta acus’e cu e la droga y abusa e dama na aña 1972.

Motsinger (84) a declara cu durante 50 aña e la carga cu e trauma di loke a pasa, y cu e decision hudicial no solamente ta p’e, pero pa tur victima cu finalmente ta wordo tende.

Segun su relato, Cosby a invite pa un show, a dune biña y a pastiya cu e la kere tabata aspirina, despues di cual e la perde conocemento y a landa bek den su paña interior.

Cosby a nenga tur acusacion, y su abogadonan ta argumenta cu no tin prueba cla pasobra e victima mes no por recorda tur detaye. Aun asina, un hurado a dicide cu e  ta responsable y a impone compensacion pa daño pasa y futuro, incluyendo un multa adicional.

E caso ta uno civil, pues Cosby no lo bai prison e biaha aki, pero lo tin cu paga daño. Su defensa ya a anuncia cu nan lo bai apelacion.