Sistema tropical entre Africa y Caribe ainda no ta menasa Aruba

ORANJESTAD – Un area di presion abou situa cerca di islanan Cabo Verde ta menazando di converti su mes awe den posibel tormenta Danny. Den curso di dia, ta premira cu e lo por bira un depresion tropical prome, y despues desaroya su mes den un sistema mas coherente cu nomber. E no ta un menasa pa region di Caribe ainda, pero tur wowo den Caribe ta vigilando e sistema aki di serca. Oficialmente segun servicio meteorologico di Aruba, Meteo lo sigui e desaroyo di un sistema tropical entre Africa y Caribe. “Te ainda e no ta di importancia pa Aruba.”

HURRICANE CENTER

Segun meteorologonan di centro di horcan na Miami, ‘condicionnan ta conducivo pa desaroyo adicional y un aumento leve caba den (su) desaroyo, lo resulta den un formacion di un depresion tropiucal mas laat den dia awe’. E sistema ta moviendo den direccion west, nort west cu velocidad di 15 miya pa ora.