Mini Mega & Mega Plus cla pa haci bo un miyonario

ORANJESTAD - E sorteo di Mini Mega di diabierna no a conoce ganado y tanto e premio di Mini Mega como esun di e Mega Plus a crece pa ofrece un total di 1.250.000 florin como e prome premio. E proximo sorteo ta tuma luga awe, diamars, 18 di augustus pa 9’or di anochi “live” na Telearuba, Canal 13. Hunga Mini Mega y Mega Plus ta hopi facil. Tin dos forma pa hunga: Pidi e rebendedo di Lotto pa un Mini Mega Loco OF scoge cuater number entre “01” te cu, y incluyendo “30” y un Mega Ball, cual ta un number entre “01” te cu y incluyendo “15”. E Mini Mega ta costa Afl. 5 y tin como jackpot di awe e bunita suma di 900 mil florin. Añadi e Mega Plus pa solamente Afl. 2 y Lotto ta regala e ganado di Mini Mega, cu a inclui su Mega Plus, 350 mil florin extra.

LIÑA NA AWA

Percura pa bo liña ta na awa cerca cualkier rebendedo di Lotto y bo tambe ta den wega pa bira miyonario cu Mini Mega & Mega Plus awe nochi mes. Lotto, e Loteria di Aruba tin 8 diferente wega, Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.