Persona conoci den mundo di seguridad deteni atrobe

ORANJESTAD - Diabierna mainta tempran, polis a haci un entrada hudicial na un cas na Pavia y detene e conocido ciudadano Deo F. (43), riba sospecho di tin posesion di arma ilegalmente. Fiscal hunto cu recherche y un team di polis, a drenta na e cas y a pasa pa detencion di F. y transporte pa warda di polis. No ta conoci si polis a logra haya arma den e cas, e momento ey.

E persona aki tabata den noticia algun luna pasa caba ora cu e la keda deteni riba sospecho di robo di algun telefon celular di e marca iPhone di algun turista riba beach. E caso a hala hopi atencion debi cu e ta un persona hopi conoci den comunidad y tin un compania di seguridad cu e ta maneha. Rumornan c cu e tabata bodyguard di un minister actual, a keda desbarata pa e mandatario e tempo ey. Algun tempo despues cu e persona a recobra su libertad, e la splica cu e asunto no tabata manera cu e la wordo pinta, y a duna su banda di medaya. E fotonan ta mustra momento cu e autoridad tabata na e cas, durante e entrada hudicial.