Opendag na University of Aruba pa futuro studiantenan

ORANJESTAD – University of Aruba ta organiza riba diahuebs 26 maart un dia habri osea opendag pa futuro studiantenan y otro interesadonan cu kier sa mas di e estudio y posibilidadnan cu e universidad ta ofrece. E evento lo tuma luga entre 5:30 di atardi te 8:30 di anochi riba e campus.

Durante e anochi habri, bishitantenan por conoce cu docentenan, studiantenan y diferente programanan di estudio di universidad. E reunion ta destina pa duna studiantenan di scol y otro interesadonan un mihor bista di con ta studia na University of Aruba y e oportunidadnan cu institucion ta ofrece pa desaroyo academico riba isla.

Bishitantenan tambe lo haya oportunidad pa haci preguntanan di estudio, programanan di estudio y bida di studiante. Segun universidad, studia na UA ta ofrece un base academico riba Aruba, cu tambe posibilidad pa colaboracion internacional y estudio adicional den exterior.