Aruba Bank ta realisa “computerkamer” pa Imeldahof

ORANJESTAD - Recientemente Aruba Bank a hasi entrega y instalacion di 10 computer na Imeldahof, asina cumpliendo cu un gran ilusion di e instancia y e muchanan. Cu e donacion di Aruba Bank e gran soño di e computerkamer ta wordo realisa. E empleadonan di Imeldahof y e muchanan a ricibi e donacion cu un entusiasmo grandi y nan tabata mas contento ainda di tende cu tur e trabao di instalacion ta wordo realisa pa e team di IT di Aruba Bank. Aruba Bank ta contento y satisfecho di por pone un sonrisa riba cara di e muchanan di Imeldahof, yudando nan asina yega nan metanan cu nan desaroyo na scol, cu nan proyectonan cu mester di uza computer y nan educacion general den e parti di computer y Internet. Presente e atardi aki tabata di parti di Aruba Bank: Gina Habibe (Executive Director), Nelleke Cardenas (Senior Marketing Officer) y e ekipo di departamento di  IT.