Polis a gara illegal cu a drenta Aruba un siman prome cu boto

ORANJESTAD – E fin di siman aki un biaha mas a haya confirmacion cu personanan ta purba nan suerte drentando Aruba di un forma illegal. Polis a pone man riba un persona cu a admiti cu e la drenta Aruba un siman pasa via un boto, di un forma illegal. Tabata durante un control di polis, cu a para un chauffeur di un auto. Su pasahero no tabatin ni rijbewijs ni documentonan legal cune. “E la declara di tin un siman na Aruba y a yega via bapor” polis a declara den nan rapport policial. Polis a detene mesora y a hibe ‘huis van bewaring’ unda cu e la wordo sera pendiente su deportacion pa su pais. E persona ta un colombiano di 40 aña, cu e nomber Carlos Musquera.