- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Van der Burg: No ta sostene idea di Eman pa cambia debe di Covid den fondo di inversion
DEN HAAG / ORANJESTAD – Hulanda no ta dispuesto pa sostene e idea di gabinete AVP-FUTURO (lesa: prome minister Mike Eman:red) pa converti e debe actual di COVID den un fondo di inversion. E peticion ey a bin di actual prome minister Mike Eman for di momento cu aña pasa e la bira prome minister atrobe. E prome intento a fracasa ora cu e la puntra e secretario di estado e tempo ey, Eddie van Marum, cu tabata secretario di estado pa Asuntonan di Reino e tempo ey. Awor cu gobierno a cambia, e pensamento pa esaki si a keda mescos. No!.
MISION SIN SPERANSA DI MIKE EMAN
Mientrastanto gobierno di Hulanda a cambia siman pasa, y tin un constelacion completamente diferente. Den cuadro di esaki, diabierna mainta, Tito Laclé di Noticiacla a puntra e secretario di estado hulandes nobo, Eric van der Burg, si e si ta dispuesto pa duna oido na e peticion di Aruba pa converti e debe den un fondo di inversion. Segun van der Burg, e la recorda cu su antecedornan a bisa cu nan no ta bay haci esey, esta haci e cambio. E la hasta usa e pensamento di e minister actual di finanzas di Hulanda, cu no a mustra disponibilidad pa haci e cambio ey. “Mi ta kere cu esaki lo bira un mision sin speransa”, van der Berg a bisa, mustrando cu nan tampoco, lo sostene e idea di Eman.
GOBIERNO A CAMBIA PERO NO SU PENSAMENTO
Cu esaki, por mira cu e signatura di Gobierno di Hulanda por a cambia, pero nan pensamento pa cu Aruba su asuntonan no. Scucha e declaracion di van der Burg AKI.
Gobierno hulandes teme pasashi di avion mas caro si nan bende parti den trafico aereo Caribe
DEN HAAG – Gobierno di Hulanda ta teme cu pasashi di avion pa e parti caribeño di Reino lo bira mas caro si Hulanda bende su parti den proveedor di servicio di trafico aereo DC-ANSP. P’esei, gabinete a dicidi pa keda accionista pa awor, segun cu minister di Infraestructura y Awa a comunica na Tweede Kamer. Motibo pa esaki ta un evaluacion di interes di estado, unda a conclui cu tin accionista no ta estrictamente necesario pa proteha interes publico. Segun investigadornan, seguridad di trafico aereo ya ta bon regula via regla internacional y supervision, p’esei influencia adicional via accionista en principio no ta necesario. DC-ANSP ta encarga cu guia di trafico aereo ariba entre otro Curaçao y Bonaire. Hulanda ta posee desde reforma estatal di 2010 un parti di 7,95 porshento. Evaluacion ta indica cu no tin impedimento legal ni practico pa bende e parti aki na otro accionistanan, Curaçao y Sint Maarten. Tambe ta sali na cla cu influencia di Hulanda ta limita: cu un parti minoritario, Den Haag no por forsa decision decisivo.
Pieters (PPA) na Den Haag: Autonomia di Aruba no ta negociabel, HOFA ta amenaza Status Aparte
ORANJESTAD/ DEN HAAG - Fraccion di PPA a biaha pa Hulanda pa un serie di reunionnan strategico na Den Haag, cu meta principal pa defende e Status Aparte di Aruba y discuti e propuesta di Rijkswet HOFA.
Debatenan den Tweede Kamer na Hulanda suspendi pa welga di ambtenaarnan
DEN HAAG - Tur debate y actividad den Tweede Kamer lo wordo cancela diaranson pa motibo di un welga di funcionario publico. Presidente di Tweede Kamer, Thom van Campen, a indica cu lo no tin suficiente personal pa mantene e camara funcionando.
Hulanda a permiti autonan Tesla core ‘nan so’ riba caminda
DEN HAAG - Funcionan nobo di auto di Tesla pa conduci automaticamente a ricibi aprobacion di RDW pa uso riba caminda publico na Hulanda. Esaki ta nifica cu chauffeurnan por guia sin tene man riba stuurwiel, algo cu ta un novum den Europa y cu expertonan ta yama un paso importante pero delicado.
Pareha Real ta cuminsa biahe hopi discuti na Merca, cu estadia serca Trump den Casa Blanco
WASHINGTON - Tabatin hopi discusion riba esaki den talkshow-nan, carta di lector den corantnan, y hasta un peticion pa no sigui cu e plan: E estadia di rey Willem-Alexander y reina Máxima den Casa Blanco. Diadomingo atardi e pareja Real lo yega na Philadelphia, unda nan bishita di tres dia na Estados Unidos lo cuminsa oficialmente mañan. Mañan anochi nan ta bishita di presidente Donald Trump.
KLM tin e tripulacion di vuelo mas caro na mundo
SCHIPHOL - KLM Royal Dutch Airlines, cu su base na Amsterdam Schiphol Airport, ta paga e costo mas halto pa su tripulacion di buelo compara cu otro aerolineanan similar, segun un estudio basa riba dato di 2023. Investigacion ta mustra cu costo di personal riba buelonan largo di KLM ta te 38% mas halto cu otro aerolinea. Riba ruta manera John F. Kennedy International Airport, e diferencia ta rond 25%, mientras riba buelonan europeo manera Atenas, e ta alrededor di 14%.
Follow NoticiaCla
