Benta di carchi a cuminsa pa “INCREIBEL pero BERDAD”

Oranjestad - Diabierna mainta a cuminsa bende e carchinan pa e evento di otro siman di Fundacion E Brug, esta e Pelicula documental cu a ser filma un parti na Aruba combina cu un documentario internacional esta: “INCREIBEL pero BERDAD”. E produccion aki ta dedica especialmente na nos muchanan, hubentud pero tambe e ta pa adulto, pues algo pa henter famia. Mayornan por compaña nan yuinan tambe. Conoce e naturalesa milagroso di Barbuletnan Monarke y e mensahe cu nan ta transmit especialmente e biaha aki pa “Back 2 School”. For di diabierna mainta tabata tin hende caba cu a cuminsa busca nan ticketnan. Nos kier menciona cu e ticketnan aki ta obtenibel na Van Dorp den caya Milio Croes na Dakota, Aruba Post na San Nicolas y na Cas di Cultura. E promer fecha ta diasabra awor 22 di Augustus y tin dos funccion, e prome ta pa 5:30 PM y e di dos presentacion lo ta pa 7:30 PM. Si salanan agota lo haci un extra presentacion diadomingo 5:30 PM.