Lotto 5 a paga 700 mil florin na un feliz ganado

ORANJESTAD - Na momento di su bishita na oficina di Lotto pa cambia su ticket ganado di Lotto 5 pa un check di 700 mil florin, ainda Tulio M. tabata pensando ta kico e lo bay haci cu su premio fabuloso. E tabata masha contento y yen di idea, pero ainda ningun decision concreto. Tulio a bay controla su ticket di Lotto 5 di sorteo anterior y gana un “free ticket”. Y, ta hustamente cu e “Free Ticket” el a bin gana e jackpot grandi di 700 mil florin di Lotto 5 cu e numbernan 06-09-15-26-28. Ta hopi soño mes e por haci realidad cu un suma bunita asina. Lotto ta felicita Tulio M. cu su premio y cu e disfruta hopi di dje.

Lotto, e loteria di Aruba tin 8 diferente wega, Catochi, Big 4, Zodiac, Wega di number di Korsou, Lotto di dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.