Crucero ta cancela bishita na Aruba debi na biento duro

ORANJESTAD – Door di biento duro, e barco crucero Island Princess diadomingo a mester cancela su bishita plania na Aruba. Intento pa drenta haf y mara a faya, despues di cual e capitan a dicidi pa pone rumbo direccion di Port Everglades den Estados Unidos. Diadomingo tabatin dos crucero grandi riba programa: e Explora I y e Island Princess. Tur dos tabata planea pa drenta haf rond di ocho’or di mainta. E Explora I a logra mara, pero e Island Princess no a por drenta na forma sigur pa motibo di condicionnan di tempo. Segun autoridadnan di haf, e biento fuerte tabata e factor decisivo.

E Island Princess, propiedad di Princess Cruises, tin un capacidad di aprox. 2.200 pasahero. Awor e barco ta wordo spera dia 25 di februari na Port Everglades.

E Explora I, di Explora Journeys, ta enfoca riba un segmento mas luxuoso y tin 461 suite. E barco aki si a por ehecuta e parada plania na Aruba. Pa awe, tin yegada di un solo crucero riba programa: e Marella Discovery 2. E barco ey a drenta haf pa ocho’or di mainta y lo sali bek pa ocho’or di anochi.